Lichtschommel

Voor de maand juni schreef de Dichter des Achterhoek het gedicht Lichtschommel.

Lichtschommel

hen 

weerum
hen 

weerum

met de Veerman
van ’t licht
naor ’t duuster
en 

weerum

ach Veerman
nem ons met
aover den rivier
’t grieze lint
dat begint as ’n kind
en zich stort in de zee
van aovergave en grinnikwals

opgehollen met nölen
zie ons ’s grölen

en weerum
naor ‘t duuster
samen op den
lichtschommel
en hup!
daor gao’w
naor ’t licht

vannacht dans ik
zo uutbundig
as ’n doolridder
zo uutdagend dansen
dat mien eigenste schim
mien pas weer zut
’s margens in bed

Jack Weijkamp | Dichter des Achterhoek |
zonnewende 2016