Peter Bresser van Erfgoedcentrum Achterhoek Liemers (Ecal)vroeg of ik een gedicht wilde maken voor de Achterhoekse almanak. Graag!
Van ni-jen
‘t gruun kik deur de wienranken
rechts de möl
veur mien
de spits van Elten
daor gao’k op aan
de autobahn ze slöp
Lopes deur de bossen
prakkeseer ik
verstom ik
de deurkiek
‘k knup mien
de trui um de buuk
Zi-j fietst achter h’m en rup:
‘lao’w maor ophollen met praoten
ik kan ow toch niet verstaon’
Bezweite tönnekes van wielerenners
kriegen eur tweede bier
laot ‘t 11 uur zun
de schaele wielrenner pröt
de rest proost
As ik veurbi-j ‘t terras bun heur ik ze bulderen
‘t bord gif aan:
onbeperkt schnitzel € 14,95
De Harmonie van ‘s-Heerenberg spölt heur
zommerkoffieconcertklanken dwars deur ‘t bos
Ach mij
lao’w grinniken met de vetpensrenners
lopen, fietsen, gaon
kieken, blaozen en drinken
Van ni-jen!
lopen, prakkeseren, stiefelen, verstommen, gaon
kieken, blaozen , bulderen en drinken
ophollen met praoten
onbeperkt
Van ni-jen
‘t gruun kik deur de wienranken
rechts de möl
veur mien
de spits van Elten
daor gao’k op aan
de autobahn ze slöp
Lopes deur de bossen
prakkeseer ik
verstom ik
de deurkiek
‘k knup mien
de trui um de buuk
Zi-j fietst achter h’m en rup:
‘lao’w maor ophollen met praoten
ik kan ow toch niet verstaon’
Bezweite tönnekes van wielerenners
kriegen eur tweede bier
laot ‘t 11 uur zun
de schaele wielrenner pröt
de rest proost
As ik veurbi-j ‘t terras bun heur ik ze bulderen
‘t bord gif aan:
onbeperkt schnitzel € 14,95
De Harmonie van ‘s-Heerenberg spölt heur
zommerkoffieconcertklanken dwars deur ‘t bos
Ach mij
lao’w grinniken met de vetpensrenners
lopen, fietsen, gaon
kieken, blaozen en drinken
Van ni-jen!
lopen, prakkeseren, stiefelen, verstommen, gaon
kieken, blaozen , bulderen en drinken
ophollen met praoten
onbeperkt
